Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa August

“Ŵanthu ŵe ndi visopa vakupambanapambana ndipuso asopa Chiuta munthowa zakupambanapambana. Kumbi muŵanaŵana kuti Chiuta wativiwona wuli venivi? [Lindizgani kwamuka.] Wonani vo Yesu wangusambiza pa nkhani yeniyi.” Perekani Nsanja ya Olonda ya August 1 ndipu kambiskanani nayu nkhani yo ye pa kamutu kakwamba pa peji 16 ndipuso lemba limoza mwa malemba ngo ngalipu. Mugaŵiyeni magazini, ndipu mupangani nayu kuti muziweriyeku kuti muzikambiskani kwamuka kwa fumbu lachiŵi.

Nsanja ya Olonda August 1

“Kumbi ŵana atenere kusambizika vaku Chiuta ŵeche anamana, pamwenga nkhwamampha kulindizga dankha kuti akuweku kuti azisankhi ŵija vo atenere kugomezga pa nkhani ya chisopa? [Lindizgani kwamuka.] Wonani vo Bayibolo likamba pa nkhani ya vo Ada atenere kuchita. [Ŵerengani Ŵaefeso 6:⁠4.] Magazini iyi ye ndi fundu zo zingawovya apapi kuti asambizi ŵana ŵawu vakukwaskana ndi Chiuta.”

Galamukani! August

“Ndikhumba kuvwa maŵanaŵanu nginu pa vesi ili. [Ŵerengani 1 Samuele 16:23.] Malinga ndi vesi ili, sumu ze ndi nthazi. Kumbi muŵanaŵana kuti sumu zinyaki zingachitiska munthu kuti wachiti vinthu viheni? [Lindizgani kwamuka.] Magazini iyi yikonkhoska mo tingasankhiya sumu mwazeru ndipuso mo tingawovye ŵana ŵidu kuti nawu achitengi viyo.”