Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa August

“Pafupifupi munthu weyosi waromba nyengu zinyaki. Chinanga mbanthu wo aleka kugomezga kuti kwe Chiuta nawu aromba asani akumana ndi suzgu. Kumbi muwona kuti Chiuta wavwisiya marombu ngosi?” Lindizgani kwamuka. Pavuli paki, alongoni nkhani yo ye papeji lakumaliya la Chigongwi cha Alinda cha August 1 ndipu kambiskanani nawu nkhani yo ye pasi pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa kuti muzikambiskani fumbu lachiŵi.

Ziŵani ivi: Chitani chakuyeruzgiyapu ichi pa unganu wakunozgeke uteŵeti wa kumunda pa August 3.

Nsanja ya Olonda August 1

“Tikambiskana ndi ŵanthu pa nkhani yo yawanda ukongwa yakuwonere vinthu vakuyuska chiryokuryoku chakugonana. Anandi awona kuti palivi suzgu yeyosi kuwonere vinthu venivi. Kumbi imwi muwona wuli? [Lindizgani kwamuka.] Yesu wakukamba kuti tingaziŵa uheni wa chinthu malinga ndi vipasu vaki. [Ŵerengani Mateyu 7:17.] Magazini iyi yikonkhoska uheni wakuwonere vinthu vakuyuska chiryokuryoku chakugonana. Yikonkhoska so mo munthu wangaleke jalidu lenili.”

Galamukani! August

“Tanandi tikhumbisiska kuti tije ndi umoyu kwa nyengu yitali. Kumbi muwona kuti kuluta panthazi kwa sayasi kuwovyengi ŵanthu kuti aje ndi umoyu wamuyaya? [Lindizgani kwamuka.] Wonani layizgu lakukondweska ili. [Ŵerengani 1 Ŵakorinte 15:26.] Kumbi Chiuta wazamufiska layizgu lenili kuziya mu sayasi pamwenga munthowa zinyaki? Nanga nchifukwa wuli tikota ndi kufwa? Magazini iyi yilongo mo Bayibolo limukiya mafumbu ngenanga.”