Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa August

“Ŵanthu anandi mazuŵa nganu atimuwona Yesu nge kamwana mu khola la ng’ombi, pamwenga munthu yo wapayikika pa chimiti chakutombozgekiyapu. Kumbi yimwi muŵanaŵana kuti Yesu wachitanji sonu? [Lindizgani kwamuka.] Wonani vo magazini iyi yikamba.” Mupaskeni magazini ya August 1, ndipu kambiskanani nkhani yo ye pa kamutu kakwamba pa peji 16 ndipu ŵerengani lemba limoza pamwenga ngaŵi. Pavuli paki mugaŵiyeni Nsanja ya Olonda ndipu panganani nayu kuti mukawe so kuchikambiskana fumbu lachiŵi.

Nsanja ya Olonda August 

“Ŵanthu anandi agomezga kuti vakuziziswa vichitika nadi, kweni anyaki akayika. Nanga yimwi muŵanaŵana wuli? [Lindizgani kwamuka.] Vakuziziswa vo vazamuchitika kunthazi vachitiska kuti ŵanthu anandi aje ndi chilindizga. [Ŵerengani lemba limoza pa malemba ngo nge pa peji 9 ndi 10.] Magazini iyi yimuka mafumbu ngatatu ngo ŵanthu atanja kufumba pa nkhani ya vakuziziswa.”

Galamukani! August

“Mazuŵa nganu ŵanthu anandi atopa kwenda ŵija, ukongwa asani ndi usiku. Kumbi muŵanaŵana kuti chilipu cho chingachitiska kuti ŵanthu ajengi mwa chimangu? [Lindizgani kwamuka.] Magazini iyi yikonkhoska vinthu vinyaki vo tingachita kuti tije pachimangu ndi anyidu. Yikonkhoska so mo uchimi uwu wazamufiskikiya.” Ŵerengani Sumu 72:⁠7.