Masachizgu nga vo Mungakamba

Mo mungayambisiya masambiru nga Bayibolo pa Chisulu, sabata yakwamba ya mwezi wa May

“Kumbi nyengu yinyaki mukuŵanaŵanapu kuti nchifukwa wuli Chiuta wazomereza vinthu viheni ndi masuzgu? [Lindizgani kwamuka.] Ndikhumba kuti ndikulongoni fundu yinyaki yakukondwesa pankhani iyi.” Ŵerengiyani limoza nkhani yo ye pa kamutu kamana kakwamba pa peji 16 la Nsanja ya Olonda ya May 1 ndipuso lemba limoza mwa malemba ngo ngalongoleka. Agaŵiyeni magazini ndipu panganani nawu kuti muziweriyeku kuti mukakambiskani kwamuka kwa fumbu lachiŵi.

Nsanja ya Olonda May 1

Ŵerengani Sumu 37:​10, 11. Ndipu kambani kuti: “Kumbi muŵanaŵana kuti tiwonengi layizgu ili lichifiskika pambula kuswera yapa? [Lindizgani kwamuka.] Magazini iyi yikonkhoska mauchimi 6 ngakupambanapambana nga m’Bayibolo ngo tiwona kuti ngafiskika nyengu yasonu, mauchimi yanga ngalongo kuti uneneska wa layizgu ili uswerengi cha kufiskika.”

Galamukani! May

“Anyaki akamba kuti ŵanthu akuchita kusambuka kutuliya ku nyama. Imwi muŵanaŵana wuli? [Lindizgani kwamuka. Pavuli paki, ŵerengani Sumu 139:14.] Mbuneneska kuti yo wakulemba chaputala ichi waziŵanga vosi cha va mo liŵavu la munthu likupangikiya mwakuziziswa. Magazini iyi yikonkhoska vo tiziŵa mazuŵa nganu, kusazgapu vo vititichitiska kuti tije akupambana ndi nyama.”