Masachizgu nga vo Mungakamba

Mo Mungayambisiya Masambiru nga Bayibolo pa Chisulu Sabata Yakwamba ya Mwezi wa July

“Ŵanthu anandi akamba mwakuwerezgawerezga mazu nga murombu la Ambuya ngakuti: ‘Ufumu winu uzi. Khumbu linu lichitiki, panu pasi nge ndiko kuchanya.’ Kumbi imwi muŵanaŵana kuti Ufumu nchinthu wuli? [Lindizgani kwamuka.] Mu lemba ili mwe kwamuka.” Ŵerengani Danyele 2:44. Ndipu mulongoni mweneku wa nyumba Nsanja ya Olonda ya July 1 ndipu ŵerengani ndi kukambiskana nayu nkhani yo ye pakamutu kamana pa peji 16. Pavuli paki, mugaŵiyeni magazini ndipu panganani nayu kuti muziweriyeku kuti mukakambiskani kwamuka kwa fumbu lachiŵi.

Nsanja ya Olonda July 1

“Chifukwa chakuti umoyu ngufupi ndipuso we ndi masuzgu nganandi, ŵanthu anandi akhumba kuziŵa chilatu cha umoyu. Kumbi imwi mukuŵanaŵanapu viyo? [Lindizgani kwamuka.] Bayibolo lilayizga kuti umoyu ulutiliyengi kuja wa masuzgu cha. [Ŵerengani Chivumbuzi 21:⁠4.] Magazini iyi yikonkhoska khumbu laku Chiuta la charu chapasi ndipuso vo tingachita kuti tije ndi umoyu wa chilatu chinanga ndi sonu.”

Galamukani! July

Zumbuwani nkhani yeyosi yakuchitiska chitima yo mwavwa. Ndipu fumbani kuti “Muŵanaŵana kuti nchifukwa wuli Chiuta wazomerezga vinthu va nge ivi kuti vichitiki? [Lindizgani kwamuka.] Nge mo Bayibolo likambiya, Chiuta watuvwa chitima asani ŵanthu asuzgika. [Ŵerengani Chituwa 3:⁠7.] Bayibolo lititikambiya so chifukwa cho Chiuta wazomerezge masuzgu ndipuso kuti pambula kuswera yapa ngamalengi kwamuyaya. Mu magazini iyi ndimu mwe nkhani yeniyi.”