Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa July

“Pafupifupi munthu weyosi wakhumba kuti waje ndi umoyu utali kweniso walikondwa. Sonu tikhumba kuti tivwi maŵanaŵanu nginu pa fumbu ili: Kumbi muwona kuti sayansi ndi munkhwala vingatiwovya kuti tije ndi umoyu utali? [Lindizgani kwamuka.] Wonani vo vikambika yapa.” Alongoni nkhani yo ye papeji lakumaliya la Chigongwi cha Alinda cha July 1 ndipu kambiskanani nawu nkhani yo ye pasi pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa kuti muzikambiskani fumbu lachiŵi.

Ziŵani ivi: Chitani chakuyeruzgiyapu ichi pa unganu wakunozgeke uteŵeti wa kumunda pa July 6.

Nsanja ya Olonda July 1

“Anandi wo tikambiskana nawu ŵe ndi visopa vawu. Kweni anyaki akamba kuti akuleka kugomezga chisopa chechosi. Imwi mutiyiwona wuli nkhani ya chisopa? [Lindizgani kwamuka.] Yesu wakukamba vo vingatiwovya kuziŵa chisopa chamampha. [Ŵerengani Luka 6:44a.] Magazini iyi yikonkhoska vipasu viheni va visopa. Yimuka so fumbu lakuti, Kumbi pe Chisopa cho tingachigomezga?”

Galamukani! July

“Tikambiskana ndi ŵanthu pa nkhani ya kuchitiyana vinthu mwambula urunji. Anyaki achita viwawa chifukwa cha vinthu vambula urunji vo vitiwachitikiya. Kumbi muwona kuti kuchita viwawa kungasintha vinthu? [Lindizgani kwamuka.] Wonani, cho Bayibolo likamba kuti chazamusintha vinthu pacharu. [Ŵerengani Mateyu 6:9, 10.] Magazini iyi yimuka fumbu lakuti, Kodi Zionetsero Zimathetsadi Mavuto M’dziko?”

Uthenga Wamampha Wakutuliya Kwaku Chiuta

“Tikambiskana ndi anyidu fundu zakuchiska zakutuliya m’Bayibolo. Anandi wo takambiskanapu nawu azizwa kuti nchifukwa wuli Chiuta wazomerezga kuti ŵanthu asuzgikengi viyo pacharu. Kumbi muŵanaŵana kuti pakwamba Chiuta wanguchita kukhumba kuti ŵanthu asuzgikengi?” Lindizgani kwamuka. Pavuli paki, julani Mutu 5 ndipu ŵerengani ndimi zakwamba ziŵi kweniso malemba ngo ngalembeka kuti ŵerengani. Agaŵiyeni kabuku kenaka ndi kupangana nawu zuŵa kuti muzikambiskani fumbu lachiŵi lo lalembeka vilembu vifipa.