Masachizgu nga vo Mungakamba

Mo Mungayambisiya Masambirunga Bayibolo pa Chisulu, Chakwamba cha Mwezi wa June

“Tikambiskana ndi ŵanthu fumbu lo anandi afumba. [Alongoni fumbu lakwamba lo le papeji lakumaliya la Chigongwi cha Alinda cha May-June.] Kumbi yimwi mungamuka wuli?” Lindizgani kwamuka. Kambiskanani nawu fumbu lo mwaŵalongo ndipu yesesani kuŵerengapu lemba. Agaŵiyeni magazini ndipu panganani nawu zuŵa kuti muzikambiskani fumbu lachiŵi.

Chigongwi cha Alinda May-June

“Ŵanthu anandi akhumbisiska kuziŵa chifukwa cho Chiuta waleke kutuzgiyapu masuzgu ndi vinthu vambula urunji pacharu. Kumbi muŵanaŵana kuti nchifukwa chakuti Chiuta watitiŵanaŵaniya cha pamwenga wakondwa kuti tisuzgikengi? [Lindizgani kwamuka. Pavuli paki ŵerengani Yohane 3:16.] Chinanga kuti ŵanthu anandi azomerezga kuti lemba ili lilongo kuti Chiuta watitiphwere, kweni aziŵa cha mo nyifwa yaku Yesu yitiŵawovye. Magazini iyi yikonkhoska mo nyifwa yaku Yesu yiwovyiyengi kuti masuzgu kweniso vinthu vambula urunji vimali pacharu.”

Galamukani! June

“Mazuŵa nganu, Intaneti yachitiska ŵanthu anandi kuti achezengi ndi ŵanthu wo awona nge kuti ndi mabwezi ngamampha. Kumbi imwi muwona kuti bwezi lamampha litenere kuja ndi jalidu wuli? [Lindizgani kwamuka.] M’Bayibolo mwe ulongozgi wo ungatiwovya kuti tisaniyi mabwezi ngamampha. [Ŵerengani Yakobe 1:19.] Magazini iyi yikonkhoska fundu zinayi zo zingatiwovya kuja ndi mijalidu yamampha yo yingawovya so anyaki kuti aje mabwezi ngidu.”