Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa June

“Mungazomereza kuti abali pamwenga abwezi ŵidu akutayika. Kumbi imwi mwe ndi chigomezgu chakuti tazakuŵawona so? [Lindizgani kwamuka.] Wonani mazu ngakupembuzga yanga.” Ŵerengani ndi kukambiskana nkhani yo ye pakamutu kamana pa peji 16 la Nsanja ya Olonda ya June 1 ndipuso lemba limoza mwa malemba ngo ngalongoleka. Agaŵiyeni magazini ndipu panganani nawu kuti muziweriyeku kuti mukakambiskani kwamuka kwa fumbu lachiŵi.

Nsanja ya Olonda June 1

“Tanandi titondeka kuti tisaniyi vo tikhumba, ndipuso pe ŵanthu anandi wo atondeka kusaniya vakukhumbika paumoyu wawu. Kumbi muŵanaŵana kuti yiŵengepu nyengu yinyaki yo kwazamuŵavi munthu mukavu? [Lindizgani kwamuka. Pavuli paki ŵerengani Sumu 9:18.] Magazini iyi yikonkhoska cho chichitisa ukavu ndipuso vo Bayibolo likamba va mo ukavu wazamumaliya.”

Galamukani! June

“Uchigeŵenga yaja suzgu yikulu pacharu chosi chapasi. Kumbi muŵanaŵana kuti nchinthu wuli cho chichitiska viyo? [Lindizgani kwamuka.] Mazu nga m’Bayibolo yanga ngatitipaska chilindizga. [Ŵerengani Sumu 72:​7, 14.] Magazini iyi yikonkhoska vifukwa vinyaki vo vichitiska kuti paŵi suzgu ya uchigeŵenga ndipuso yilongo so vo Bayibolo likamba vakukwaskana ndi mo uchigeŵenga wazamumaliya.”