Kumbi Liwoneka Wuli?

Titenere kujifumba fumbu lenili asani tikhumba kugaŵiya buku lelosi. Buku lelosi lo le ndi mapepala ngakupetekapeteka, lakutchujuka, lakufipa, pamwenga lakukeluka, lingachitiska kuti ŵanthu aleki kuja ndi chithuzi chamampha cha gulu lidu ndipuso lingachitiska kuti mweneku wa nyumba waleki kuvwisiya uthenga wamampha wakutaska umoyu wo usanirika mu mabuku ngidu.

Kumbi tingasunga wuli mabuku ngidu kuti ngaje ngamampha nyengu zosi? Ŵanthu anandi awona kuti kuŵika mabuku ngakuyanana pa malu ngamoza mu chikwama chawu cha mu uteŵeti nkhwakovya ukongwa. Mwakuyeruzgiyapu, aŵika mabuku pa malu ngamoza, magazini ndi timabuku pa malu ngamoza so kweniso malu nganyaki aŵikapu timapepala. Ndipu aphwere ukongwa asani aweze Bayibolo ndi buku linyaki lelosi mu chikwama chawu kuti vileki kunangika. Kaya tigwiriskiya nchitu nthowa wuli, tikhumba cha kuti munthu wasaniyi chifukwa chakukaniya uteŵeti widu chifukwa chakuti tamupaska mabuku ngakunangika.​—⁠2 Ŵako. 6:⁠3.