“Ndilondiyengi Mabuku Nginu Asani Mwalonde Dankha Ngangu”

Anyaki atitikambiya mazu ngenanga asani titiŵapharazgiya. Chifukwa chakuti tisinthisana cha mabuku ngidu ndi mabuku ngo ngapharazga nkhani zaboza, kumbi tingamuka wuli mwakuphwere? (Ŵar. 1:25) Tingakamba kuti: “Ndawonga ukongwa. Kumbi buku lenili likambanji vakukwaskana ndi kumala kwa masuzgu ngo ŵanthu akumana nangu? [Lindizgani kwamuka. Asani watikupemphani kuti muŵerengi buku laki kuti musaniyi kwamuka, mungamukumbuska kuti imwi mungwamba dankha kukambiskana nayu vo ve mukati mwechendamupaski buku. Pavuli paki, ŵerengani pamwenga koni mazu nga lemba la Mateyu 6:9, 10.] Yesu wangulongo kuti Ufumu waku Chiuta wazamufiska khumbu laku Chiuta lakukwaskana ndi charu chapasi. Mwaviyo, mabuku ngo ngakonkhoska za Ufumu waku Chiuta ndingu ini ndiŵerenga. Kumbi ndingakulongoni kutuliya m’Bayibolo vinthu vinyaki vo Ufumu waku Chiuta wazamufiska?”