Masachizgu nga vo Tingakamba

Pakwambisa Masambiru nga Bayibolo pa Chisulu, Sabata Yakwamba ya Mwezi wa January

“Ŵanthu anyaki avwana kuti Bayibolo ndi buku lakugomezgeka pa nkhani ya uchimi. Anyaki aŵanaŵana kuti likamba za vinthu vakunthazi vambula kuvwika umampha vo ŵanthu ativifwatuliya munthowa zakupambanapambana. Kumbi imwi muwona wuli?” Lindizgani kwamuka. Pavuli paki perekani Nsanja ya Olonda ya January 1 ndipu kambiskanani nkhani yo ye pa kamutu kakwamba pa peji 16 ndi kuŵerenga lemba limoza pa malemba ngo ngalipu. Mugaŵiyeni magazini, ndipu mupangani nayu kuti muziweriyeku kuzikambiskana kwamuka kwa fumbu lachiŵi.

Nsanja ya Olonda January 1

“Tingasambira vinandi kutuliya kwa anthurumi ndi anthukazi akali. Kumbi muzomerezga fundu yeniyi? [Lindizgani kwamuka.] Lemba ili likonkhoska za munthu yija yo Bayibolo likamba kuti wenga ‘bwezi laku Chiuta.’ [Ŵerengani Yakobe 2:23.] Magazini iyi yikonkhoska chifukwa cho Chiuta wangukambiya kuti ndi bwezi laki ndipuso yikonkhoska vo tingasambira pa vinthu vamampha vo Abrahamu wanguchita.”

Galamukani! January

“Vinyeda ndipuso mitundu yinyaki yakuleka kugomezgeka yawanda ukongwa pa nkhani za malonda. Anyaki aŵanaŵana kuti kuchitaku chinyengu kamanavi nkhwamampha kuti vinthu vikuyende umampha pa nkhani za malonda. Kumbi imwi muŵanaŵana wuli? [Lindizgani kwamuka.] Wonani nthanthi iyi. [Ŵerengani Nthanthi 20:17.] Magazini iyi yikonkhoska umampha wa kuchita vinthu mwakugomezgeka.”