Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa January

“Tingayanja kuvwa maŵanaŵanu nginu. Kumbi zina laku Chiuta ndiyani? [Lindizgani kwamuka.] Awonani vo nkhani iyi yikamba.” Apaskeni Nsanja ya Olonda ya January 1, ndi kuŵalongo nkhani ya pachikonkhombi chakumaliya cha magazini, pavuli paki kambiskanani kamutu kakwamba ndi kuŵerenga lemba limoza. Agaŵiyeni magazini ndi kupangana nawu zuŵa lo mwazamumukiya fumbu lachiŵi.

Nsanja ya Olonda January 1

Ŵanthu anandi akambiskana va kumala kwa charu. Kumbi imwi muwona kuti nkhani yakumala kwa charu njakwenere kuyiwopa? [Lindizgani kwamuka.] Lemba ili lilongo kuti ŵanthu anyaki azamupozomoka. [Ŵerengani 1 Yohane 2:17.] Magazini iyi yimuka kutuliya m’Bayibolo mafumbu nganayi ngo ŵanthu atanja kufumba pa nkhani ya kumala kwa charu.”

Galamukani! January

“Msanawale ticheza ndi mabanja kuti tikambiskani fundu zinyaki zakukhumbika. Kumbi imwi muwona kuti mabanja ngatenere nadi kugwiriskiya nchitu mazu ngo Yesu wangukamba? [Ŵerengani Machitidu 20:35b. Pavuli paki lindizgani kwamuka.] Kusambiza ŵana kuti aleki kuja akujanja nkhwakusuzga m’charu ichi chifukwa ŵanthu anandi mbakujanja ukongwa. Nkhani iyi yikonkhoska fundu zo zingawovya apapi kuti asambizengi ŵana ŵawu kuŵanaŵaniya ŵanthu anyaki.”