Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa January

“Ŵanthu anandi ŵe ndi maŵanaŵanu ngakupambanapambana pa nkhani yakukwaskana ndi Chiuta. Anyaki aŵanaŵana kuti Chiuta ndi nthazi yakuziziswa ŵaka. Anyaki aŵanaŵana kuti ndi Da wachanju yo we kuchanya. Imwi muŵanaŵana wuli?” Lindizgani kwamuka. Alongoni nkhani yo ye papeji lakumaliya la Chigongwi cha Alinda cha January-February, kambiskanani nawu fumbu lakwamba ndipu yesesani kuŵerenga lemba. Agaŵiyeni magazini ndi kupangana nawu zuŵa kuti muzikambiskani fumbu lachiŵi.

Nsanja ya Olonda January-February

“Tikambiskana ndi ŵanthu kwa nyengu yimanavi nkhani yo yikwaska munthu weyosi. Nkhani yaki ndi nyifwa ya akwanjiwa ŵidu. Kumbi namwi muzomerezga kuti nyifwa ya mubali pamwenga mubwezi widu wakwanjiwa njakuŵaŵa ukongwa? [Lindizgani kwamuka.] Ŵanthu anandi awona kuti lemba ili ndakovya ukongwa. [Ŵerengani Yesaya 25:8.] Magazini iyi yikonkhoska malayizgu ngakuchiska ngo Bayibolo likamba ngakuti nyifwa yazamumala ndipu akwanjiŵa ŵidu azamuyuka.”

Galamukani January

“Kumbi namwi muwona kuti mabanja ngakumana ndi masuzgu nganandi mazuŵa nganu? [Lindizgani kwamuka.] Nthanthi iyi ya m’Bayibolo yititikambiya vo mabanja ngatenere kuchita kuti ngaje ngakukho. [Ŵerengani Nthanthi 24:3.] Ŵanthu anandi awona kuti Bayibolo ndi buku lamampha ukongwa lo munthu wangasaniyamu zeru. Magazini iyi yikonkhoska Webusayiti pamwenga kuti malu nga pa Intaneti ngo mabanja ngangasaniyapu ulongozgi wakovya wa m’Bayibolo.”