Vifukwa 12 vo Tipharazgiya

Nchifukwa wuli tipharazga ndi kusambiza uthenga wamampha? Kumbi nchifukwa chakuti tikhumba kovya ŵanthu a mtima wamampha kuti asaniyi nthowa yakulongozge ku umoyu? (Mate. 7:14) Ichi nchifukwa chakwamba pa vifukwa 12 vo vakonkhoskeka, kweni ndichu chifukwa chikulu cha cho tipharazgiya. Nanga chifukwa chikulu pa vifukwa venivi ndi nichi?

1. Yitaska umoyu.​—⁠Yoha. 17:⁠3.

2. Yitovya pakutcheŵeska ŵanthu aheni.​—⁠Ezek. 3:​18, 19.

3. Yitovya pakufiska uchimi wa m’Bayibolo.​—⁠Mate. 24:⁠14.

4. Yitovya pakulongo kuti Yehova ndi murunji. Palivi yo wangakamba kuti Yehova watiŵalanga ŵaka ŵanthu aheni wechendaŵapaski mwaŵi wakuti alapi.​—⁠Machi. 17:​30, 31; 1 Timo. 2:​3, 4.

5. Yitovya kuti tifiski udindu widu wakovya ŵanthu wo Yehova wakuŵagula ndi ndopa za Mwana waki kuti aje paubwezi ndi Iyu.​—⁠Ŵaro. 1:​14, 15.

6. Yititiwovya kuti tileki kuja ndi mulandu.​—⁠Machi. 20:​26, 27.

7. Yititovya kuti tizitaskiki.​—⁠Ezek. 3:19; Ŵaro. 10:​9, 10.

8. Yilongo kuti titanja ŵanthu.​—⁠Mate. 22:⁠39.

9. Mbukaboni wakuti tivwiya Yehova ndi Mwana waki.​—⁠Mate. 28:​19, 20.

10. Nchigaŵa cha kusopa kwidu.​—⁠Ŵahe. 13:⁠15.

11. Mbukaboni wakuti titanja Yehova.​—⁠1 Yoha. 5:⁠3.

12. Yitovya kuti zina laku Yehova litoweseki.​—⁠Yesa. 43:​10-12; Mate. 6:⁠9.

Vifukwa vo tipharazgiya ndi venivi pe cha. Mwakuyeruzgiyapu, kupharazga kutovya kuti tije ndi chigomezgu chakukho ndipuso kuti tigwiriyi nchitu limoza ndi Chiuta. (1 Ŵako. 3:⁠9) Kweni chifukwa chikulu cho tipharazgiya ncha nambala 12. Kaya ŵanthu akani pamwenga azomeri, nchitu iyi yitovya kuti zina laku Chiuta litoweseki ndipuso yitovya kuti Yehova wamuki yo watimunyoza. (Ntha. 27:11) Mwaviyo, ‘tilekengi cha kusambiza ndi kutaula’ uthenga wamampha.​—⁠Machi. 5:⁠42.