Masachizgu nga vo Mungakamba

Uthenga wa Ufumu Na. 38

“Tigwira nchitu yakugaŵiya kapepala yaka ko ke ndi uthenga wakuzirwa ukongwa. Namwi kinu yaka.”

Ziŵani ivi: Kuti tizigaŵiyi timapepala iti m’chigaŵa chidu chosi, tizikambengi mwakudumuwa. Kweni nyengu zinyaki mweneku wanyumba wangalongo linweka ndipu wangakhumba kuti tikambiskani nayu. Asani ve viyo, mufumbeni fumbu lo le papeji lakwamba, ŵerengani nayu vo Bayibolo likamba mwakukoliyana ndi vo ve mukati mwa kapepala yaka ndipuso asani mweche ndi nyengu mungaŵerenga nayu chigaŵa chinyaki. Mwechendalekani nayu, mulongoni fumbu la pakamutu kakuti “Vo Mutenere Kujifumba” ndipu panganani nayu zuŵa kuti muzikambiskani nayu fundu yeniyo.

Nsanja ya Olonda November 1

“Kumbi muŵanaŵana kuti ndi boza nili likulu ukongwa lo ŵanthu akamba lakukwaskana ndi Chiuta? [Lindizgani kwamuka.] Bayibolo likamba kuti Chiuta wakhumba kuti ŵanthu wosi amuyanjengi ndipuso kumugomezga. [Ŵerengani Yesaya 41:13.] Magazini iyi yivumbuwa maboza ngatatu ngakukwaskana ndi Chiuta ngo ngachitiska ŵanthu kuti aleki kuja nayu pa ubwezi.”

Galamukani! November

“Tikambiskana ndi ŵanthu mwakudumuwa chifukwa anandi adandawula kuti mijalidu yamampha yimala. Kumbi namwi muwona kuti mijalidu yamampha yimala nadi m’charu? [Lindizgani kwamuka.] Bayibolo likukambiya limu kuti ŵanthu azamusintha nkharu ndipuso mijalidu yawu. [Ŵerengani 2 Timote 3:1-5.] Magazini iyi yikonkhoska chifukwa cho tingagomezge ukongwa mijalidu yamampha yo Bayibolo likamba.”