Masachizgu nga vo Mungakamba

Mo Mungayambisiya Masambiru nga Bayibolo pa Chisulu Chakwamba mu November

“Tikambiskana ndi ŵanthu a muchigaŵa chidu nkhani yakukwaskana ndi boma lamampha. Kumbi muŵanaŵana kuti pe boma lo lingatuzgapu masuzgu ngakulungakulu nge viwawa kweniso vinthu vambula urunji?” Lindizgani kwamuka. Kambiyani mweneku wanyumba kuti mu rombu la Ambuya, Yesu wangukambiya akumulondo ŵaki kuti arombiyengi boma laviyo kuti lizi, boma lenili ndi Ufumu waku Chiuta. Alongoni nkhani yo ye papeji lakumaliya la Chigongwi cha Alinda cha November-December. Kambiskanani nawu fumbu lakwamba kweniso yesesani kuŵerengapu lemba limoza. Agaŵiyeni magazini ndipu panganani nawu zuŵa kuti muzikambiskani fumbu lachiŵi.

Chigongwi cha Alinda November-December

“Kumbi muwona kuti ŵanthu anangengi charu kufika pakuti chinganozgeka so cha? [Lindizgani kwamuka.] Chinanga kuti ŵanthu angatondeka kuchinozga, Bayibolo lititikambiya kuti Chiuta wachinozgengi ndipu wakhumbisiska kuchita viyo. Lemba la Sumu 65:9 lisimikizgiya fundu yeniyi. [Ŵerengani.] Magazini iyi ya Chigongwi cha Alinda yikonkhoska mo Chiuta wazamunozge charu ndipuso vo tingachita kuti tizikondwi ndi vitumbiku vo wazisengi munthazi. Ndingakondwa kukusiliyani magazini yeniyi kuti muŵerengi.”

Galamukani! November

“Munthu weyosi wakhumba kuti wakondwengi kweni ŵanthu anandi mazuŵa nganu akondwa cha. Kumbi muŵanaŵana kuti nchinthu wuli cho chingazisa likondwa lenechu? [Lindizgani kwamuka.] Ndiwona kuti Bayibolo litovya ŵanthu kuti aje ndi likondwa. Mwakuyeruzgiyapu, awonani fundu iyi yo ye m’Bayibolo. [Ŵerengani Ŵahebere 13:5.] Magazini iyi yikonkhoska fundu zinayi zikuluzikulu zo zingatiwovya kuja ndi likondwa.”