Masachizgu nga vo Mungakamba

Vo Tingakamba Pakudaniya Ŵanthu ku Chikumbusku

“Tigaŵiya timapepala takudaniya ŵanthu ku mwambu wakukhumbika ukongwa. Pa April 14, ŵanthu mamiliyoni pacharu chosi azamuwungana kuti achiti mwambu wakukumbukiya nyifwa yaku Yesu Khristu kweniso kuti avwisiyi kwawezi nkhani ya m’Bayibolo, yo yazamukonkhoska mo tiyanduliya ndi nyifwa yaku Yesu. Kapepala yaka kalongo malu kweniso nyengu yo mwambu uwu wazamuchitikiya m’dera lidu.”

Chigongwi cha Alinda March-April

“Ŵanthu anandi akhumbisiska kuti nkhondu yimali. Kumbi muŵanaŵana kuti pacharu chosi pangazija nadi chimangu? [Lindizgani kwamuka.] Awonani vo Bayibolo lilayizga. [Ŵerengani Sumu 46:9.] Vinthu vo vinguchitika pa Nkhondu Yakwamba Yacharu Chosi ndipuso vo vinguzichitika yati yamala, vititisimikizgiya kuti pambula kuswera yapa Chiuta wazamufiska uchimi uwu ndi kuzituzgiyapu limu nkhondu. Magazini iyi yikonkhoska venivi.”

Galamukani! April

“Taza panu kuti tikambiskani vo vingatiwovya kuti timalani ndi suzgu lo ŵanthu anandi akumana nalu. Ŵanthu anyaki asuzgika maŵanaŵanu ukongwa chifukwa cha mo vinthu viliri pa umoyu wawu mwakuti nyengu zinyaki aŵanaŵana vakujibaya. Asani munthu wangaŵa ndi maŵanaŵanu ngenanga, kumbi muwona kuti cho wakhumba nkhujibaya pamwenga wakhumba ŵaka nthowa yo wangamaliskiya masuzgu ngaki? [Lindizgani kwamuka.] Tiyeni tiwoni layizgu la m’Bayibolo lo lawovyapu ŵanthu anandi kuti aje ndi maŵanaŵanu ngakwenere. [Ŵerengani Chivumbuzi 21:3, 4.] Magazini iyi yikonkhoska vifukwa vitatu vo munthu watenere kulutirizgiya kuja ndi umoyu chinanga kuti wangakumana ndi masuzgu.”