Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa March

“Tikambiskana ndi ŵanthu mwakudumuwa vakukwaskana ndi vo vichitikengi pa April 14. Pa zuŵa ili tikumbukengi nyifwa yaku Yesu. Anyaki akumbukengi nyifwa yaku Yesu chifukwa awona kuti njakukhumbika ukongwa. Anyaki aziŵa umampha cha kukhumbika kwa nyifwa yaku Yesu. Kumbi muŵanaŵana kuti tosi tingayanduwa ndi nyifwa yaku Yesu?” Lindizgani kwamuka. Alongoni peji lakumaliya la Chigongwi cha Alinda cha Chichewa, cha March 1 ndipu kambiskanani nawu nkhani yo ye pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa, kuti muzikambiskani fumbu lachiŵi.

Nsanja ya Olonda March 1

“Ŵanthu anandi akhumbisiska kuziŵa chifukwa cho Chiuta waleke kutuzgiyapu masuzgu ndi vinthu vambula urunji pacharu. Kumbi muŵanaŵana kuti nchifukwa chakuti Chiuta watitiŵanaŵaniya cha pamwenga wakondwa kuti tisuzgikengi? [Lindizgani kwamuka. Pavuli paki ŵerengani Yohane 3:16.] Chinanga kuti ŵanthu anandi azomerezga kuti lemba ili lilongo kuti Chiuta watitiphwere, kweni aziŵa cha mo nyifwa yaku Yesu yitiŵawovye. Magazini iyi yikonkhoska mo nyifwa yaku Yesu yichitiskiyengi kuti masuzgu kweniso vinthu vambula urunji vimali pacharu.”

Galamukani! March

“Kwa nyengu yimanavi ŵaka, tikhumba kukambiskana namwi uneneska wakukwaskana ndi boza linyaki lo ŵanthu akamba lakukwaskana ndi lemba ili. [Ŵerengani Chiyambo 1:1.] Ŵanthu anyaki agomezga kuti vinthu vikwesa kulengeka, kweni anyaki akana. Kumbi imwi muŵanaŵana wuli? [Lindizgani kwamuka.] Ŵanthu anandi agomezga cha kuti vinthu vikwesa kulengeka chifukwa alongozgi avisopa asambiza vinthu vo Bayibolo lisambiza cha. Magazini iyi ye ndi fundu zo zilongo kuti Bayibolo likonkhoska mwakuvwika umampha mo Chiuta wakulenge chilengedu ichi.”