Masachizgu nga vo Mungakamba

Pakugwira Nchitu Yakudaniya Ŵanthu Kuchikumbusku

“Tigaŵiya timapepala takudaniya ŵanthu ku mwambu wakukhumbika ukongwa. Pa 3 April, ŵanthu mamiliyoni pacharu chosi azamuwungana kuti achiti mwambu wakukumbukiya nyifwa yaku Yesu Khristu kweniso azamuvwisiya kwawezi nkhani ya m’Bayibolo, yo yazamukonkhoska mo tiyanduliya ndi nyifwa yaki. Kapepala yaka kalongo malu kweniso nyengu yo mwambu uwu wazamuchitikiya m’chigaŵa chidu.”

Chigongwi cha Alinda March-April

“Anyaki akayika kuti Bayibolo le ndi fundu zo zingaŵawovya kuti akondwengi ndi nchitu yo agwira. Wonani vo lemba ili likamba vakukwaskana ndi nchitu. [Ŵerengani Wakutaula 3:13.] Magazini iyi ye ndi fundu za m’Bayibolo zo zingatiwovya kuti tikondwengi ndi nchitu yo tigwira. Eni yinu.”

Galamukani! March

“Tikambiskana ndi ŵanthu nkhani za m’magazini yasonu ya Galamukani! [Alongoni peji lakwamba.] Ŵanthu ŵe ndi maŵanaŵanu ngakupambanapambana pa fumbu ili lakuti: ‘Kumbi Chiuta waliku nadi?’ Kumbi imwi muŵanaŵana kuti mbayani wo vinthu vazakuŵayende umampha kunthazi, wo agomezga Chiuta pamwenga wo aleka kumugomezga? [Lindizgani kwamuka.] Wonani vo Chiuta walayizga vo vichitiska kuti anandi aje ndi chilindizga. [Ŵerengani Sumu 37:10, 11.] Magazini iyi yikonkhoska vifukwa vinayi vo titenere kufufuziya kuti tiziŵi asani Chiuta waliku nadi.”