Kukonkhoska vo Tigomezga Vakukwaskana ndi Chaka cha 1914

Malemba ngatitichiska kuti tijengi ‘akurongosoleke [akunozgeka] . . . kumuka’ munthu yo watifumba vo tigomezga “kweni ndi upovu ndi wofi.” (1 Pet. 3:15) Kukamba uneneska, kungaŵa kwakusuzga kukonkhoska fundu zinyaki za m’Bayibolo nge yakuti, tiziŵa wuli kuti Ufumu waku Chiuta ukwamba kuwusa mu 1914? Kuti tiziŵi mo tingakonkhoske, atinozge nkhani yo ye ndi vigaŵa viŵi ya mutu wakuti, “Kukambiskana Nkhani ya M’Bayibolo—Kumbi Ufumu Waku Chiuta Ukwamba Zukwanji Kuwusa?” Yimoza mwa nkhani zenizi, ye mu Chigongwi cha Alinda cha November-December 2014. Po mukambiskana nkhani yeniyi, ŵanaŵaniyani mafumbu ngo nge mumphata umu ngakukwaskana ndi vo Wanangwa, yo we munkhani yeniyi wanguchita.

Nchifukwa wuli wanguchita umampha . . .

• kuweriyamu mu vo akambiskana wechendayambi kukamba fundu zinyaki?

• kuma dankha ndi kufumba mweneku wanyumba asani wavwisa vo wakonkhoska?

• kuleka kukonkhoska fundu zinandi nyengu yimoza?​—Yoh. 16:12.

Tiwonga ukongwa Yehova, “Musambizi” widu Mura, pakutisambiza mo tingakonkhoske fundu zakusuzga zauneneska za m’Bayibolo, ku ŵanthu wo akhumba kuvwisiya!—Yes. 30:20.