“Wasanirika so Cha Panyumba Paki!”

Ŵanthu anandi akamba mazu yanga asani munthu wakunweka yo angukambiskana nayu atimusaniya so cha. Kumbi namwi vikukuchitikiyanipu? Chinanga kuti mwayesesa kumuyende, kweni mutondeka kudiriya mbewu za uneneska zo mukupanda. (1 Ŵakor. 3:6) Nyengu zinyaki, Akaboni alusu alembe kalata munthu yo asanirana nayu cha panyumba paki pamwenga alemba uthenga pakapepala ndi kusiya pakhomu la nyumba yaki. Apharazgi anyaki aziŵa kuti kusaniya so munthu yo amupharazgiya kuja kwakusuzga nyengu zinyaki ndipu atimupempha kuti waŵapaski nambala yaki ya foni. Yiwu atamba ndi kumufumba kuti, “Kumbi mutanja kutumiza mauthenga pa foni?” Tingalemba ulendu wakuweriyaku asani tamulembe kalata, tamutumiziya uthenga pa foni pamwenga pa Intaneti, asani tasiya kapepala panyumba yaki ndipuso tamumbiya foni. Chinanga kuti wasanirika cha panyumba, tingamuwovya kuti waje ndi linweka lakukhumba kusambira.