TICHITENGI VINTHU NGE AKHRISTU
Mo Tingasazgiyaku Lusu Lidu Mu Uteŵeti—Kupharazga pa Foni
KUMBI VENIVI VAKUKHUMBIKA WULI?: Kupharazga pa foni ndi nthowa yamampha yakupereke “mwakukwana ukaboni wa uthenga wamampha.” (Mac 20:24)a Kupharazga pa foni kutitiwovya kuti tipharazgiyengi ŵanthu wo tingatondeka kuŵapharazgiya masu ndi masu chifukwa cha mo vinthu viliri.
KUMBI TINGACHITA WULI VENIVI?:
Nozgekiyani. Sankhani nkhani yo ŵanthu angayiyanja. Lembani vo mukhumba kukamba. Asani munthu yo wamuka cha pamwenga foni yaki njakuzimwa, siyani uthenga ufupi pa foni wakukonkhoska chifukwa cho mungumbiya foni. Mungachita umampha kusunga vinthu vo mwalemba kweniso vinthu vinyaki pafupi, nge chipangizu cho che ndi JW Library® pamwenga jw.org®
Muzikirengi. Longoroni nge mo mulongolore nyengu zosi. Mumwemwetiyengi kweniso kupanga majesichala nge kuti munthu yo mukambiskana nayu watikuwonani. Mungagotangagotanga cha. Muŵengi ndi munyinu. Asani mweneku wa nyumba wafumba fumbu mungaliwereza kuti munyinu wakuwovyeni kusaniya ansala
Kambani mazu ngo ngangakuwovyani kuti muziweliyeku. Asani munthu yo walongo kuti we ndi mtima wakukhumba kuziŵa vinandi, mungamufumba fumbu lakuti muzimumuki ulendu wasonu asani mwazimumbiya so foni. Mungamutumiziya buku pa foni, mungaluta kuchimupasa pamwenga mungatumiza munthu munyaki kuti wakamupasi. Mungamutumiziya mavidiyo pamwenga nkhani zinyaki. Mungamukambiya so mabuku ngidu nganyaki ngo ngasanirika pa webusayiti yidu
a Asani upharazgi wa pa foni ngwakuzomerezeka muchigaŵa chinu, mukhumbika kutumbika marangu ngo ngakaniza kupaskana bweka ma adiresi nga ŵanthu anyaki.