Tikhumbika Kunozgeke Kuti Tisambizi Mwalusu

Yesu wangufumbikapu ndi ŵanthu ŵaŵi vakukwaskana ndi umoyu wambula kumala. Kweni weyosi wangumumuka mwakukoliyana ndi vo wakhumbanga kuti waziŵi. (Luka 10:25-28; 18:18-20) Tikhumbika kunozgeke limu chinanga kuti nkhani yo tamukambiskana ndi munthu titiyiziŵa umampha. Tingajifumba kuti: Kumbi ndi fundu nizi zo wangachisuzgika kuvwa? Kumbi ndingachiŵerenga nayu malemba nanga? Kumbi ndikhumbika kuchisambira nayu ndimi zilinga? Tinganozgeke limu chakuyeruzgiyapu, fundu zo tingachikonkhoska, pamwenga mafumbu ngo ngangachimuwovya kuti wakavwisi nkhani yo tamukambiskana nayu. Kweniso, chifukwa chakuti Yehova ndiyu wachitisa kuti mbewu ya uneneska yikuwi m’mtima wa munthu, titenere kumupempha kuti wawovyi isi kweniso wakusambira widu kuti waluti panthazi mwauzimu.​—1 Ŵakor. 3:6; Yak. 1:5.