CHUMA CHAKUTULIYA M’MAZU NGAKU CHIUTA | NTHANTHI 1–6
“Mugomezengi Yehova ndi Mtima Winu Wosi”
Yehova ngwakwenere nadi kumugomeza. Vo zina laki ling’anamuwa vititiwovya kugomeza kuti wazamufiska vosi vo walayizga. Pempheru ndilu lingatiwovya ukongwa kuti timugomezengi. Lemba la Nthanthi chaputala 3 lititisimikiziya kuti Yehova watitumbikengi asani titimugomeza ndipu ‘wanyoloskengi nthowa zidu.’
Munthu yo watijiwona kuti ngwazeru . . .
wasankha vakuchita kwambula kupempha Yehova kuti wamulongozgi
wathemba zeru zaki pamwenga zeru za charu
Munthu yo wagomeza Yehova . . .
wayesesa kuchita vinthu vo vingamuwovya kuti waje pa ubwezi wamampha ndi iyu, nge kusambira Bayibolu pakuyija, kuŵanaŵaniya vo wasambira kweniso kupemphera
wafufuza dankha ulongozgi wa m’Bayibolu wechendasankhi vakuchita
CHAKWAMBA: Ndisankha vinthu vo ndiwona kuti vazeru |
CHAKWAMBA: Ndipenja ulongozgi waku Yehova mwa kusambira Bayibolu pakundija kweniso kupemphera |
CHACHIŴI: Ndipempha Yehova kuti watumbiki vo ndasankha |
CHACHIŴI: Ndisankha vinthu mwakukoliyana ndi fundu za m’Bayibolu |