Mo Tingagwirisiya Ntchitu Kabuku Kakuti, Kumbi Mbayani Wo Achita Khumbu Laku Chiuta Mazuŵa Nganu?

Kabuku ka, Kumbi Mbayani wo Achita Khumbu Laku Chiuta Mazuŵa Nganu?, naku titikagwirisiya ntchitu kusambiziya ŵanthu Bayibolu. Tingakagwirisiya ntchitu techendayambi kusambira ndi munthu pamwenga asani tamaliza kusambira nayu.a Masambiru 1 mpaka 4 ngatovya wakusambira kuti waŵaziŵi umampha Akaboni aku Yehova. Masambiru 5 mpaka 14 ngatimuwovya kuziŵa vo tichita. Masambiru 15 mpaka 28 ngatimuwovya kuziŵa mo gulu lidu litende. M’malu mwakwamba ndi sambiru la mukati, vija umampha ukongwa kwambiya sambiru 1 mpaka sambiru 28. Kweni mungasankha kusambira sambiru lapanthazi asani mwawona kuti pe nkhani yinyaki yo mukhumba kuti wayiziŵi mwaliŵi. Peji lelosi le ndi sambiru limoza ndipu mungakambisana ndi wakusambira kwa maminiti 5 pamwenga 10.

• 

  Ŵerengani mutu wa sambiru lo mukambisanengi

• Mungaŵerenga sambiru losi nyengu yimoza pamwenga ndimi ndi ndimi

• Kambisanani vo mwaŵerenga. Kambisanani mafumbu ngo nge mumphata ndipuso vithuzi. Mungasankha malemba ngo mungaŵerenga ndi kukambisana. Konkhosani mo timitu timanatimana timukiya sambiru lo mukambisana

• Asani pe kabokosi kakuti, “Kuti Muziŵi Vinandi,” ŵerengani ndipu muchiskeni yo musambira nayu kuti wagwirisiyi ntchitu sachizu lo le mukabokosi