Kumbi Mazu Ngaku Chiuta Mutingawona Kuti Ngakuzirwa?

Mu Bayibolu mwe maŵanaŵanu kweniso mazu ngaku Yehova Chiuta yo wakulemba buku lakupaturika lenili. (2 Petu. 1:20, 21) Bayibolu lititisimikiziya kuti Chiuta ndiyu ngwakwenere kulamuliya chilengedu chosi ndipu lipereka chilindizga kuti pambula kuswera yapa vinthu vijengi umampha. Livumbuwa so mijalidu yamampha yo Awusefwi akuchanya a Yehova ŵenayu.—Sumu 86:15.

Pe vifukwa vakupambanapambana vo weyosi waku isi wangakambiya kuti Mazu ngaku Yehova ngakuzirwa. Kumbi tilongo kuti tiwonga mphasu yakuzirwa yeniyi mwakuyiŵerenga zuŵa ndi zuŵa kweniso kugwiriskiya ntchitu vo taŵerenga pa umoyu widu? Mwaviyo, vakuchita vidu vitenere kulongo kuti nasi tituvwa nge mo munthu munyaki yo wangulembaku buku la Sumu wavwiyanga. Iyu wangukamba kuti: “Dangu linu nditiliyanja ukongwa!”—Sumu 119:97.

WONERIYANI KACHIGAŴA KA VIDIYO YAKUTI AWONANGA KUTI BAYIBOLU NDAKUZIRWA (WILLIAM TYNDALE), PAVULI PAKI MUKANI MAFUMBU YANGA:

• 

  Ntchifukwa wuli William Tyndale wangufwatuliya vigaŵa vinyaki va Bayibolu?

• Ntchifukwa wuli tingakamba kuti wanguchita phamphu kuti wafwatuliyi Bayibolu?

• Kumbi Mabayibolu ngo Tyndale wangufwatuliya ngangufika wuli ku England?

• Kumbi weyosi wangalongo wuli kuti wawona Mazu ngaku Chiuta kuti ngakuzirwa?