Muyanjengi Banja Linu

Chanju chitovya kuti ŵanthu akoliyanengi mubanja. Kwambula chanju, pangaŵa pakusuzga kuti ŵanthu mu banja achitengi vinthu mwakukoliyana kweniso mwachimangu. Kumbi anthulumi akuto, anthukazi akuyirwa ndipuso apapi angalongo wuli chanju mubanja?

Munthulumi wachanju watenere kuŵanaŵaniya vakukhumba va muwolu waki, mo wawone vinthu ndipuso mo wavwiya. (Aef 5:28, 29) Iyu watenere kuphwere banja laki mwakuliŵavu kweniso mwauzimu kusazgapu kuchita kusopa kwa pabanja nyengu zosi. (1Ti 5:8) Munthukazi wachanju watenere kujithereska kwa mulumu ŵaki ndipuso “wamutumbikengi ukongwa.” (Aef 5:22, 33; 1Pe 3:1-6) Ŵanthu akutolana atenere kuja akunozgeka kugowokiyana ndi mtima wosi. (Aef 4:32) Apapi achanju aŵanaŵaniya vo mwana weyosi pakuyija wakhumbika ndipu atiŵasambiza kuti ayanjengi Yehova. (Dt 6:6, 7; Aef 6:4) Kumbi ŵana ŵawu akumana ndi masuzgu wuli kusukulu? Kumbi achita wuli asani anyawu atiŵachichizga kuti achiti vinthu viheni? Asani ŵanthu wosi mubanja atanjana, vitovya kuti weyosi wawonengi kuti ngwakuvikilirika.

WONERIYANI VIDIYO YAKUTI MULONGONGI CHANJU CHAMBULA KUMALA M’BANJA, NDIPU MUKANI MAFUMBU YANGA:

• 

  Kumbi munthulumi wakuto wangalongo wuli kuti waphwere muwolu waki ndipuso kumuyanja?

• 

  Kumbi munthukazi wakuyirwa wangalongo wuli kuti watimutumbika ukongwa mulumu waki?

• 

  Kumbi apapi achanju angaŵasambiza wuli ŵana ŵawu Mazu ngaku Chiuta mwakuwerezawereza?