Mulongongi Lisungu

Mazu ngakuti lisungu ngang’anamuwa kuvwisa mo munthu munyaki wavwiya mumtima, mo waŵanaŵaniya, vo watanja ndipuso vo wakhumba. Ŵanthu aziŵa kuti te ndi lisungu asani tikhumbisiska kovya anyidu. Asani tilongo lisungu mu uteŵeti, titezga Yehova yo watanja ŵanthu kweniso kuŵaphwere, ndipu venivi vitovya kuti ŵanthu amuziŵi.—Afi 2:4.

Lisungu liwoneke waka pakusambiza pe cha kweni lituliya mumtima. Liwoneke mu vakuchita, mo tilongolore, mo tichitiya asani munthu walongoro nasi, majesishala ngidu ndipuso mo chisku chidu chiwoneke. Asani titiŵachitiya lisungu ŵanthu tilongo kuti titiŵayanja. Tiziŵa vo atanja, vo agomezga kweniso vo akumana navu. Tikambiskanengi nawu fundu zo zingaŵawovya ndipuso tiŵawovyengi kuti aziŵi mo angazigwiriskiya ntchitu kweni tingaŵachichizanga cha kuti asinthi. Tikondwa mu uteŵeti asani ŵanthu wo titiŵapharazgiya azomera kuti tiŵawovyi.

WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—SAZGIYANIKU LUSU LINU—MULONGONGI LISUNGU, NDIPU MUKANI MAFUMBU YANGA:

• 

  Kumbi Neeta wangulongo wuli lisungu, Jade wati waswera?

• 

  Kumbi Neeta wangulongo wuli lisungu, Jade wati wakamba kuti wangasambira cha chifukwa chakuti watimbanyizgika maŵanaŵanu?

• 

  Kumbi Neeta wangulongo wuli lisungu, Jade wati wakamba kuti waponya waka peposi vinthu ku chipinda chaki?