Aliska wo Atesesa Kuchita vo Angafiska Kuti Awovyi Ŵanthu aku Yehova

Ŵanthu anandi atiŵagomezga cha ŵanthu wo ŵe ndi mazaza. Ntchifukwa wuli aleka kuŵagomezga? Chifukwa chakuti kwamba kali ŵanthu agwiriskiya ntchitu mazaza ngawu mwambula kwenere kuti asaniyengi phindu. (Mik 7:3) Vakukondwesa kuti ŵara mumpingu asambizika kuti agwiriskiyengi ntchitu mazaza ngawu kuti awovyengi ŵanthu aku Yehova.​—Est 10:3; Mt 20:25, 26.

Mwakupambana ndi wo ŵe ndi mazaza mucharu ichi, ŵara agwira ntchitu nge akuwonere chifukwa chakuti atanja Yehova kweniso ŵanthu ŵaki. (Yoh 21:16; 1 Petu. 5:1-3) Mwakulongozgeka ndi Yesu, aliska ŵenaŵa atovya mupharazgi weyosi kuti wajivwengi kuti wechigaŵa cha banja la ŵanthu wo ateŵete Yehova. Ndipuso atovya weyosi kuti walutirizgi kuja paubwezi wakukho ndi Yehova. Yiwu achiska mbereri zaku Yehova kweniso kovya asani zatama pamwenga asani kwachitika masoka ngachilengedu. Asani mukhumba chovyu, kambiyani mura wa mumpingu winu.​—Yak 5:14.

WONERIYANI VIDIYO YAKUTI ALISKA WO APHWERE MBERERI, NDIPU MUKANI MAFUMBU YANGA:

• Kumbi Mariana wanguyanduwa wuli ndi chovyu cho wangulonde kutuliya kwa ŵara?

  Your answer

• Kumbi Elias wanguyanduwa wuli ndi chovyu cho wangulonde kutuliya kwa ŵara?

  Your answer

• Kumbi vo mwawonere mu vidiyo iyi vakuwovyani kuti muziwonengi wuli ntchitu zo ŵara agwira?

  Your answer