Kumbi Chiuta Wavwisiya Mapempheru Nginu?
Asani mupemphera, kumbi muŵanaŵana kuti Chiuta watikuvwisiyani nadi?
KUMBI BAYIBOLU LIKAMBANJI?
Chiuta watikuvwisiyani. Bayibolu lititisimikiziya kuti: “Yehova we pafupi ndi wosi wo atimudana, Wosi wo atimudana mu uneneska. . . . Watuvwa kuliya kwawu kwakupempha chovyu.”—Salimo 145:18, 19.
Chiuta wakhumba kuti mupempherengi kwaku iyu. Bayibolu likamba kuti: “Pa chinthu chechosi, mwa pempheru ndi kuŵeyere limoza ndi kuwonga, vo mupempha viziŵiki kwaku Chiuta.”—Afilipi 4:6.
Chiuta watikuŵanaŵaniyani. Chiuta waziŵa umampha masuzgu ngo tikumana nangu, kweniso vinthu vinyaki vo vititifipiska mtima ndipu wakhumba kutiwovya. Bayibolu likamba kuti muponyengi “paku iyu vosi vo vitikufipiskani mtima, chifukwa iyu watikuŵanaŵaniyani.”—1 Peturo 5:7.