Vo Vingakuwovyani Kuti Muŵerengengi Bayibolu Zuŵa Lelosi

Kumbi nyengu zinyaki vitikusuzgani kuti muŵerengengi Bayibolu zuŵa lelosi chifukwa chakuti mutangwanika? (Yoswa 1:8) Asani ndi viyo, yesani kugwiriskiya ntchitu masachizgu yanga:

• Muthyengi alamu. Muthyengi alamu kuti yikukumbuseningi kuŵerenga Bayibolu.

• Muŵikengi Bayibolu linu pamalu ngo mungaliwona liŵi. Asani mugwiriskiya ntchitu Bayibolu lakupulinta, zuŵa lelosi muliŵikengi pamalu ngo mungaliwona liŵi.—Doto. 11:18.

• Muvwisiyengi Bayibolu lakujambula. Muvwisiyengi Bayibolu lakujambula asani mugwira ntchitu za panyumba. Tara yo ndi mpayiniya kweniso we ndi ŵana, ndipu ndi usiku wagwira ntchitu yakulembeka wangukamba kuti, “Kuvwisiya Bayibolu lakujambula asani ndigwira ntchitu za panyumba kutindiwovya kuti ndiŵerengengi Bayibolu zuŵa lelosi.”

• Kupanga mphwayi cha. Asani mwatondeka kuŵerenga Bayibolu panyengu yo mukunozga, muŵerengengi ŵaka mavesi ngamanavi mwechendaluti kuchigona. Chinanga mungaŵerenga ŵaka mavesi ngamanavi zuŵa lelosi, mungayanduwa mbwenu.—1 Petu. 2:2.