Kumbi Mutiligwiriskiya Ntchitu Bayibolu Lakuvwisiya?

Kumbi Bayibolu lakuvwisiya ndi Bayibolu wuli? Bayibolu lakuvwisiya ndi Bayibolu la Charu Chifya lakuchita kujambulika. Bayibolu ili lituzgika kamanakamana mu vineneru vinandi. Chinthu chakukondwesa ndi Bayibolu ili ntchakuti ŵanthu akupambanapambana aŵerenga pa chigaŵa cha munthu weyosi yo wazumbulika mu Bayibolu. Mazu ngaŵerengeka mwakuvwika umampha kweniso mwakukoliyana ndi mo nkhani yilili kuti uthenga wa mu Bayibolu uŵerengeki mwakulondo.

Kumbi anyaki ayanduwa wuli ndi Bayibolu lenili? Anandi wo atilivwisiya kaŵikaŵi awona kuti Mazu ngaku Chiuta ngatiŵafika pa mtima. Yiwu awona kuti kuvwisiya ŵanthu akupambanapambana kutiŵawovya kuti ayeruzgiyengi nge kuti awona vo vachitikanga ndipu avwisa umampha ukongwa vo vikulembeka. (Nth 4:5) Asani afipa mtima, anandi apembuzgika asani avwisiya Bayibolu lakuvwisiya.—Sl 94:19.

Kuvwisiya Mazu ngaku Chiuta ngachiŵerengeka mwakukweza kungasintha ukongwa umoyu widu. (2Mb 34:19-21) Asani Bayibolu lakuvwisiya lisanirika lamphumphu pamwenga chigaŵa ŵaka mu chineneru chinu, mungachita umampha kuti muligwiriskiyengi ntchitu asani musambira Bayibolu pakumwija.

WONERIYANI KACHIGAŴA KA VIDIYO YAKUTI NTCHITU YAKUJAMBULA BAYIBOLU LAKUVWISIYA, NDIPU MUKANI FUMBU ILI:

Ntchinthu wuli chitikukondwesani ndi Bayibolu lakuvwisiya?