Vo Vingakuwovyani Kuti Mukondwengi pa Nyengu ya Masuzgu—Kumbi Bayibolu Likambanji?

Pa nyengu yo takumana ndi masuzgu, ndi vosi cha vo tingavinozga kuti vinthu vitiyende umampha. Kweni kanandi, tingasuzgika chifukwa cha vinthu vo vatichitikiya pe cha, kweni chifukwa cha mo tiwone kweniso kuchitiya vinthu nyengu zosi. Bayibolu likamba kuti chinanga kuti akumana ndi masuzgu, kweni ‘ŵanthu wo ŵe ndi mtima walikondwa alutirizga kuchita phwandu.’ (Nthanthi 15:15) Kumbi tingachita wuli kuti tisazgiyeku likondwa lidu? Tiyeni tiwoni mo ulongozgi wa mu Bayibolu ungakuwovyiyani.

Vo mungachita kuti mulekengi kufipa mtima

Bayibolu likamba kuti: “Kufipa mtima kuchitiska kuti mtima wa munthu uziti, kweni mazu ngamampha ngatiwuchiska.”—Nthanthi 12:25.

• Bayibolu lingakuwovyani kuti mulekengi kufipa mtima ndi vinthu vambula kukhumbika ukongwa. Kuti muziŵi vo mungachita, ŵerengani nkhani ya mutu wakuti “Zimene Baibulo Limanena pa Nkhani ya Nkhawa.”

Kuchita Phukwa

Bayibolu likamba kuti: “Bwezi chayilu litanja nyengu zosi ndipu ilu ndi mubali yo wakubalika kuti wakuwovyi pa nyengu ya suzgu.”—Nthanthi 17:17.

• Mu Bayibolu mwe ulongozgi wo ungakuwovyani asani muchita phukwa. Ŵerengani nkhani ya mutu wakuti “Pezani Anzanu Abwino Kuti Musamasungulumwe—Kodi Baibulo Lingakuthandizeni Bwanji?”

Muyanjengi Chiuta kweniso anyinu

Bayibolu likamba kuti: “Uyanjengi Yehova Chiuta waku ndi mtima waku wosi, ndi umoyu waku wosi, ndi maŵanaŵanu ngaku ngosi. . . . ‘Uyanjengi munyaku nge mo utijiyanjiya wamweni.”a—Mateyu 22:37-39.

• Pempheru lingatiwovya kuti tiyambi kumuyanja ukongwa Chiuta. Kuti muziŵi vinandi, ŵerengani nkhani ya mutu wakuti “Kumbi Chiuta Watuvwa Mapempheru Ngidu?”

• Tilongo kuti titanja anyidu asani tilondo dangu lo liziŵika kuti Muchitengi vo Mukhumba Kuti Anyinu Akuchitiyeningi. Ziŵani vinandi mwakuŵerenga nkhani yakuti “Kumbi Dangu Lakuti Muchitengi vo Mukhumba Kuti Anyinu Akuchitiyeningi Ling’anamuwanji?”

Mungachita umampha kusambira vinandi vakukwaskana ndi mo Bayibolu lingakuwovyiyani kuti mukondwengi pa nyengu yo mwakumana ndi masuzgu? Kuti muchiti venivi, titikupemphani kuti musambiri Bayibolu kwawezi.