Kumbi Ndingakambanji Asani Ndipemphera?

Vo Bayibolu limuka

Bayibolu likamba kuti asani mupemphera, mungakamba chechosi cho chikoliyana ndi vo Chiuta wakhumba. Ndipu “chechosi cho tingapempha mwakukoliyana ndi khumbu [laku Chiuta] watitivwa.” (1 Yohane 5:14) Kumbi munthu wangazumbuwa vo vitimufipiska mtima asani wapemphera? Hinya. Bayibolu likamba kuti: “Mujuliyeni mitima yinu [Chiuta].”—Sumu 62:8.

Vinyaki mwa vinthu vo tingazumbuwa mu pempheru

• Tingapemphere chivwanu chidu mwaku Chiuta.—Luka 17:5.

• Tingapempha mzimu wakupaturika pamwenga kuti nthazi yo Chiuta wagwiriskiya ntchitu kuti yitiwovyi kuchita cho ntchamampha.—Luka 11:13.

• Tingapempha Chiuta kuti watipaski nthazi zo zingatiwovya kuti timalani ndi masuzgu ngidu kweniso kuti tileki kuthera asani tiyeseka.—Afilipi 4:13.

• Tingapempha kuti watipaski chimangu chamumtima pamwenga kuti tichitengi vinthu mwakuzikira.—Afilipi 4:6, 7.

• Tingapempha kuti watiwovyi kusankha vinthu mwazeru.—Yakobe 1:5.

• Tingapempha kuti watiwovyi kusaniya vakukhumbika pa umoyu.—Mateyu 6:11.

• Tingapempha kuti watigowoke maubudi ngidu.—Mateyu 6:12.