Ntchifukwa Wuli Tikhumbika Kupemphera Kuziya mu Zina Laku Yesu?

Vo Bayibolu limuka

Tikhumbika kupemphera kwaku Chiuta kuziya mu zina laku Yesu chifukwa ndiyu nthowa yija yo Chiuta wakupereka yakufikiya kwaku iyu. Yesu wangukamba kuti: “Ini ndini nthowa, uneneska ndi umoyu. Palivi munthu yo watuza kwa Ada kwambula kuziya mwaku ini.” (Yohane 14:6) Yesu wangukambiya so akutumika ŵaki akugomezgeka kuti: “Nditikuneneskiyani kuti, asani mupempha chinthu chechosi kwa Ada azakukupaskani mu zina langu.”—Yohane 16:23.

Vifukwa vinyaki vo titenere kuziya mu zina laku Yesu asani tipemphera

• Titumbika Yesu ndi Awisi a Yehova Chiuta.—Afilipi 2:9-11.

• Tilongo kuti tiwonga sembi yaku Yesu yo Chiuta wakupereka kuti tizitaskiki.—Mateyu 20:28; Machitidu 4:12.

• Tilongo kuti tiziŵa udindu wapade wo Yesu wenawu nge Mwendapakati paku Chiuta ndi ŵanthu.—Aheberi 7:25.

• Tilongo kuti titumbika uteŵeti waku Yesu nge Wasembi Mura yo wangatiwovya kuti tije paubwezi wamampha ndi Chiuta.—Aheberi 4:14-16.