Mungapharazga Ndipuso Kusambiza!

Pakwamba Mozesi wajikayikiyanga kuti wangafiska cha kugwira ntchitu yo Yehova wangumupaska. (Chitu. 4:10, 13) Kumbi namwi mukujikayikiyapu? Kumbi musambira Bayibolu ndi Akaboni aku Yehova? Kumbi muwona kuti mungafiska cha kupharazga nyumba ndi nyumba? Pamwenga ndimwi wachinyamata ndipu muchita mantha kupharazgiya anyinu kusukulu. Kweniso panyaki mutopa kupharazga pa foni pamwenga nthowa yinyaki yakupharazgiya kumalu ko kusanirika ŵanthu anandi. Asani ndi viyo, pemphani Yehova kuti wakuwovyeni ndi mzimu waki wakupaturika. (1 Petu. 4:11) Mujengi ndi chigomezgu kuti Yehova wangakuwovyani kugwira ntchitu yeyosi yo wangakupaskani.​—Chitu. 4:11, 12.

WONESANI VIDIYO YAKUTI JANI ACHIGANGA . . . APHARAZGI, NDIPU MUKANI MAFUMBU YANGA:

• Kumbi mzichi Aoyama wangukumana ndi suzgu wuli?

• Kumbi ntchinthu wuli cho chingumuwovya kuti waje ndi nthazi kweniso chiganga?​—Yere. 20:7-9

• Kumbi wanguyanduwa wuli wati wayamba kuchita vinandi pakuteŵete Yehova?

• Kumbi Yehova wangakuwovyani kumalana ndi masuzgu wuli mu uteŵeti?