Mukambengi Nkhani Mwakuchiska

Jobu 16:5

FUNDU ZAKUDUMUWA: Mukambengi fundu zo zingawovya akuvwisiya kweniso kuŵachiska.

MO MUNGACHITIYA:

• Muŵanaŵaniyengi vinthu vo akuvwisiya achita umampha. Mugomezgengi kuti abali ndi azichi akhumbisiska kukondwesa Yehova. Ndipu asani mukhumba kupereka ulongozgi, muŵawongengi dankha po muwona kuti mphakwenere.

• Mungakambanga vinthu vinandi cha vambula kukondwesa. Mungasazgiyamu vinthu vinyaki vambula kukondwesa mu nkhani yinu po mphakwenere kuchita viyo. Kweni muwonesesengi kuti nkhani yinu yosi mutiyikamba mwakuchiska.

• Mugwiriskiyengi ntchitu Mazu Ngaku Chiuta. Mukambengi vinthu vo Yehova wakuchita, vo wachita sonu ndipuso vo wazamuchitiya ŵanthu kunthazi. Ndipu wovyani akuvwisiya kuja ndi chivwanu kweniso chiganga.