Ntchifukwa Wuli Ŵanthu Atijikayikiya?

NTCHIFUKWA WULI ŴANTHU AKHUMBIKA CHA KUJIKAYIKIYA?

• Kafukufuku walongo kuti ŵanthu wo atijikayikiya afipa mtima, asuzgika maŵanaŵanu kweniso atanja cha kurya. Ndipu atanja kumwa ukongwa moŵa ndipuso munkhwala wakutimbanyiza wongu.

• Ŵanthu wo atijikayikiya cha atijiyeruzgiya ndi anyawu cha, venivi vichitiska kuti akoliyanengi ndi anyawu kweniso aje nawu paubwezi wakukho. Kweni ŵanthu wo atijikayikiya aja akusuzga ndipu akoliyana cha ndi anyawu.

• Ŵanthu wo atijikayikiya cha, asani akumana ndi masuzgu aja akukho, ndipu azomereza cha kuti masuzgu ngaŵatondekesi kufiska chilatu chawu. Kweni wo atijikayikiya kanandi awona masuzgu ngamanangamana nge ngakulu ukongwa. Venivi vingachitiska kuti atheri mwaliŵi.

KUMBI MUNGACHITA WULI KUTI MULEKI KUJIKAYIKIYA?

Musankhengi mabwezi ngo ngangakuchiskani. Muchezengi ndi ŵanthu wo atumbika anyawu, wo atikuŵanaŵaniyani ndipuso wo angakuchiskani.

Muwovyengi anyinu. Asani mutovya anyinu kweniso mutiŵachitiya vinthu mwalisungu, kusazgapu wo angakuweziyani cha, mujengi ndi likondwa chayilu. Ndipu mukondwengi, chinanga kuti ŵanthu anyaki angawona cha vo mwachita.

Muwovyengi ŵana ŵinu kuti aleki kujikayikiya. Muŵawovyengi kuti amalanengi nangu ŵija masuzgu asani angafiska pakuŵija. Venivi viwovyengi ŵana ŵinu kuziŵa mo angamaliyana ndi masuzgu. Kuchita viyo kuŵawovyengi kuti aleki kujikayikiya pasonu panu kweniso asani azikuwa.

KUMBI AKABONI AKU YEHOVA ATOVYA WULI ŴANTHU KUTI ALEKI KUJIKAYIKIYA?

Mawunganu nga Akaboni aku Yehova kweniso ntchitu yakusambiza ŵanthu Bayibolu yitiŵawovya kuti vinthu viŵayendiyengi umampha ndipuso kuti aleki kujikayikiya.

MAWUNGANU NGIDU

Pa mawunganu ngidu tivwisiya nkhani za mu Bayibolu zo ze ndi ulongozgi wo utitiwovya kuti tileki kujikayikiya. Mawunganu ngenanga nga wezi ndipu weyosi wangasanirikapu. Mwakuyeruzgiyapu, asani mwaza ku mawunganu ngidu mwazamuziŵa . . .

• kuti Chiuta watikuwonani kuti mwe akuzirwa

• mo mungajaliya ndi umoyu wakukondwesa

• mo mungajaliya pa ubwezi wakukho ndi anyinu

Ku mawunganu mwamukumana so ndi mabwezi ngo ‘ngaphweriyana.’—1 Akorinto. 12:​25, 26.

Kuti muziŵi vinandi vakukwaskana ndi mawunganu ngidu, fufuzani vidiyo yakuti Kumbi ndi Vinthu Wuli vo Vichitika pa Nyumba ya Ufumu? pa jw.org

NTCHITU YAKUSAMBIZA ŴANTHU BAYIBOLU

Tisambira Bayibolu ndi ŵanthu kwawezi mwakugwiriskiya ntchitu buku lakuti Kondwani ndi Umoyu Kwamuyaya! Buku ili le ndi malemba ngo nge ndi fundu zikulu, mwe vifukwa vakuvwika, mafumbu, vithuzi vakutowa kweniso mavidiyo ngo ngangawovya msambizi kumufika pamtima wakusambira. Asani tisambira Bayibolu ndi ŵanthu vitiŵawovya kuti ajiwonengi kuti mbakukhumbika ndipuso vinthu vitiŵayende umampha pa umoyu.

Kuti muziŵi mo kusambira Bayibolu ndi Akaboni aku Yehova kungakuwovyiyani, fufuzani vidiyo yakuti Ntchifukwa Wuli Tikhumbika Kusambira Bayibolu? pa jw.org