Mo zina laku Chiuta (mo adaya) lalembekiyanga mu mipukutu yakali ya m’Bayibolu
Kumbi Bayibolu Likambanji?
Kumbi Chiuta we ndi zina?
ŴANTHU ANYAKI AKAMBA KUTI walivi zina, anyaki akamba kuti zina laki ndi “Chiuta” pamwenga “Ambuya.” Anyaki akamba kuti we ndi mazina nganandi. Kumbi imwi muŵanaŵana wuli?
VO BAYIBOLU LIKAMBA
“Ŵanthu aziŵi kuti imwi, yo zina linu ndimwi Yehova, imwi pe ndimwi Wapachanya Ukongwa pacharu chosi chapasi.”—Sumu 83:18.
FUNDU YINYAKI YO TISAMBIRA M’BAYIBOLU
Chinanga kuti Chiuta we ndi mazina ngaulemu nganandi kweni we ndi zina lo wakujipasa.—Chituwa 3:15.
Chiuta ngwambula kusuza kumuvwisa. Iyu wakhumba kuti timuziŵi.—Machitidu 17:27.
Kuziŵa zina laku Chiuta ndichu chinthu chakwamba cho chingatiwovya kuti tije nayu pa ubwezi.—Yakobe 4:8.
Kumbi nkhunanga kuzumbuwa zina laku Chiuta?
KUMBI MUNGAMUKA WULI?
Hinya
Awa
Panyaki
VO BAYIBOLU LIKAMBA
“Ungazumbuwanga zina laku Yehova Chiuta waku paŵaka cha.” (Chituwa 20:7) Nkhunanga kugwirisiya ntchitu zina laku Chiuta mwambula kwenere.—Yeremiya 29:9.
FUNDU YINYAKI YO TISAMBIRA M’BAYIBOLU
Yesu waliziŵanga zina laku Chiuta ndipu waligwirisiyanga ntchitu.—Yohane 17:25, 26.
Chiuta watitikambiya kuti tizumbuwengi zina laki.—Sumu 105:1.
Arwani aku Chiuta akhumba cha kuti ŵanthu aliziŵengi zina laku Chiuta.—Yeremiya 23:27.