Bokosi la Mafumbu

◼ Kumbi wakusambira Bayibolo yo waluta panthazi titenere kusambira nayu kwa nyengu yitali wuli?

Nkhwamampha kulutirizga kusambira ndi munthu yo waluta panthazi mpaka kumaliza nayu mabuku ngaŵi, buku la Kumbi Bayibolo Lisambizanji Weniukongwa? ndipuso la “Khalanibe M’chikondi cha Mulungu.” Ivi vitenere kuja viyo chinanga kuti munthu yo wabatizika wechendamalizi mabuku ngosi ngaŵi. Pavuli pakuti wabatizika, tingalutirizga kusambira nayu, kuŵerenge nyengu yo tichitiya sambiru lo, limoza ndi maulendu ngakuweriyaku. Asani mupharazgi munyaki waluta nasi ku sambiru lo ndipu nayu watomu chigaŵa, nayu wangaŵerenge nyengu yo wajapu pa sambiru lo.​—⁠Wonani Uteŵeti Widu wa Ufumu wa November 2009, peji 7.

Nkhwakukhumbika kuti asonu aje ndi chivwanu chakukho pa uneneska techendaleki kusambira nawu. Akhumbika kuti ‘ame misisi’ mwaku Khristu ndipu aje ndi ‘chivwanu chakukho’ kuti akwanisi kulimbana ndi mayeseru ngo akumanengi nangu. (Ŵako. 2:​6, 7; 2 Timo. 3:12; 1 Pet. 5:​8, 9) Kweniso, kuti akasambizi umampha anyawu, atenere ‘kuziŵa uneneska.’ (1 Timo. 2:⁠4) Asani timaliza kusambira mabuku ngosi ngaŵi ndi akusambira ŵidu, ndikuti titiŵawovya kuti ayendi umampha pa “nthowa yakulongozge ku umoyu.”​—⁠Mate. 7:⁠14.

Ŵara ŵechendazomerezi munthu kuti wabatiziki, atenere kuwonesesa kuti munthu yo wavwisisa umampha visambizu vakwamba va Bayibolo ndipuso waja umoyu wakukoliyana ndi visambizu vo.Ŵara atenere kuphwere ukongwa asani awonana ndi munthu yo wechendamalizi kusambira buku lakwamba. Asani munthu ngwakunozgeka cha kubatizika, ŵara awonesesengi kuti wawovyeka kuti wazibatiziki kunthazi. Wonani buku la Gulu Lochita Chifuniro cha Yehova peji 217 mpaka 218.

[Fundu yo yakonkhoskeka papeji 2]

Nkhwakukhumbika kuti asonu aje ndi chivwanu chakukho pa uneneska