Mo Tingasazgiyaku Lusu Lidu mu Uteŵeti​—Saniyani Ŵanthu Akuti Muŵapaskengi Magazini Mwezi Wewosi

Nchifukwa Wuli Nkhwakukhumbika?: Ŵanthu anandi wo atanja kuŵerenga magazini ngidu akhumba cha kusambira nasi Bayibolo. Panyaki nchifukwa chakuti atanja ukongwa chisopa chawu pamwenga awona kuti alivi nyengu yakusambiriya Bayibolo. Kweni asani aŵerenga magazini ngidu nyengu zosi, angayamba kuja ndi mtima wakukhumba kusambira Mazu Ngaku Chiuta. (1 Pet. 2:2) Angachontheka ndi nkhani yinyaki ya m’magazini ngidu pamwenga vinthu vingasintha pa umoyu wawu. Angakondwa ukongwa asani titiŵayende ndipuso ticheza nawu kwa nyengu yimanavi. Ivi vingatiwovya kuziŵa vo vitiŵakondwesa kweniso vo asuzgika navu maŵanaŵanu. Pavuli paki, tingasaniya mwaŵi wakusambira nawu Bayibolo.