Musankhengi Malu Ngamampha Ngakusambiriya

Kumbi mukhumba kuti muyanduwengi ukongwa ndi vo musambira? Masachizgu ngo nge mumphata umu ngangakuwovyani kuti muŵikengi maŵanaŵanu nginu ngosi pa vo musambira:

• Musaniyengi malu ngamampha. Asani nkhwamachitika, muyesesengi kusaniya malu ngakutowa kweniso ngo nge ndi ukweru kuti muleki kusuzgika pakuŵerenga. Mungaja pampandu pamwenga pa desiki pamwenga kungasankha malu ngengosi ngamampha kubwalu kwa nyumba.

• Saniyani malu ngakumwija. Yesu wapempheranga “ndi mlenjilenji . . . kwakuyija.” (Mariko 1:35) Asani muwona kuti muŵengepu mwija cha pamalu ngo, mungakambiya ŵanthu a mubanja linu kuti aziŵi ndondomeku yinu yakusambiriya kuti achitengi vinthu mwakuphwere.

• Muŵikengi maŵanaŵanu pa vo musambira. Mungazomerezanga chechosi cha kuti chikutangwamiseni. Asani mugwiriskiya ntchitu foni pamwenga tabuleti, yithyeni mu nthowa yakuti yileki kukutimbanyizgani. Asani mwakumbuka kuti mukhumbika kuchita chinthu chinyaki, chilembeni waka pamphepeti kuti muchichiti nyengu yinyaki. Asani mwawona kuti maŵanaŵanu nginu ngayamba kwendakwenda mungayendapu dankha kamanavi kuti mupumuwi.