Dzumeya giphaso gya sithumi sikwanu

Gasi gu Jehovha a hi phasa a hi ningide ‘vandriyathu tigoni gwatshavbo’. (1 Ped. 5:9) Avo va nga hi phasa gu pala sigaradzo hi mananago naso thumoni nyo tshumayele. Khu giyeyedzo, mupostoli Pawulo phasidwe khu Akila ni Prisila, Silasi, Thimoti ni vambe. — Mith 18:1-5.

Sithumi sikwanu si nga gu phasa kharini thumoni nyo tshumayele? Avo va ngu phasa khu gu gu ninga mawonelo nya edzi u nga palago khidzo sigaradzo thumoni nyo thumayele, edzi u nga girago khidzo maendro nyo bweleleye, edzi u nga [pheyago khidzo sihevbulo nya Bhibhiliya ni edzi u nga si gimbidzisago khidzo. Dundrugeya khu muthu wa libandlani gwago a nga gu ningago giphaso, khavbovbo, u mu lomba a gu phasa. Nyamba kanana, mwa vavili mu na wuyedwa mu bwe mu mana gutsaka. — Filp. 1:25.

YEYEDZA VHIDHIYU MANA GUTSAKA KHU GU GIRA VAPIZANI — DZUMEYA GIPHASO GYA JEHOVHA — VANDRIYATHU, KHU GU LANDREYA GIRA SIWUDZISO SESI:

• 

  Neeta, kutside kharini Jade gu hongola mitshanganoni?

• 

  Khu ginani hi yedego gu konvhidhari vambe vahuweleyi tepo hi gimbidzisago gihevbulo nya Bhibhiliya?

• 

  Ginani egi Jade ni Abigay va nga bhula khigyo?

• Khu dzevbini dzimbe dzindziya sithumi si nga gu hevbudzago thumoni nyo tshumayele?