Phasa sihevbuli sago nya Bhibhiliya gu potsa sidinga nya mba sadi

Sihevbuli nya Bhibhiliya si yede gu hatha gwadi dzipari dzawe gasi wupari wawe ni Jehovha wu simama. (Ndz 15:1, 4) Dzipari nya dzadi dzi na va kutsa gu gira esi nya sadi. — Mav 13:20; lff Gihevbulo 48.

Tepo u phasago sihevbuli sago nya Bhibhiliya gu potsa dzipari nya mba dzadi yeyedza pweya wusiwana. Si nga gira na si va garadzeya gu hambana ni dzipari dzawe. Khu kharato yeyedza gukhathala nya lisine ga sihevbuli sago nya Bhibhiliya. Isoso si nga pata gu mu loveya mesaji gu mu ligareya mwendro gu mu wuseya. Tepo sihevbuli sago si dandrago khu liphuvboni u nga si kovidhari gasi si ta hagana gumogo ni vandriyathu. Khu kharato avo va na dzegeya gu si wona gu khavo khava luza gilo. (Mr 10:29, 30) Anuwe u na tsaka khu gu wona dranga ya Jehovha na yi gu engedzeya.

YEYEDZA VHIDHIYU PHASA SIHEVBULI SAGO NYA BHIBHILIYA GU POTSA SIDINGA NYA MBA SADI, KHU GU LANDREYA GIRA SIWUDZISO SESI:

• So thula ginani sidinga nya mba sadi — 1Ko 15:33

• Jade a di gu pimisa gu khuye Makristo mo hagana kharini?

• Neta phaside kharini Jade gu diga dzipari a nga ba ari nadzo?