U nga thumisa kharini dzivhidyu nya gihevbulo nya Bhibhiliya

Ethu hi na ni 4 dzivhidyu nya gihevbulo nya Bhibhiliya hi dzi thumisago thumoni nyo tshumayele. Khu yavbini makungo nya dzivhidhyu dzedzi?

• 

  Khu ginani hi yedego gu hevbula Bhibhiliya? — Vhidhiyu yatshavbo, yi giridwe gasi gu kutsa vathu gu hevbula Bhibhiliya na si si khathadzisege esi muthu yoyo a hevbulago tshetsheni gwaye. Iyo yi ngu kutsa vathu vovo gu vbwetedzeya mihlamulo nya siwudziso yi gomogo umo nya Bhibhiliya si ganeyago khu womi nigu iyo yi ngu yeyedza mahemanyana nya mihlamulo hi yi manago umo nya Bhibhiliya. Iyo gambe yi ngu yeyedza edzi u nga lombago khidzo gihevbulo nya Bhibhiliya.

• 

  Khu ginani hi yedego gu hevbula Bhibhiliya? (vhidhyu nya metadu) iyo yi ngu fana ni vhidhyu nyo pheye, ganiolu iyo kha yi vbeyi. Yi nga thumiswa umo nya sipandre vathu va gu mwalo tepo nya yingi gasi gu bhula.

• 

  Ginani gi giregago gihevbuloni nya Bhibhiliya? iyo yi giridwe gasi gu yeyedza edzi gihevbulo nya Bhibhiliya gi gimbiyago khidzo ni gu hlamula siwudziso nyo khaguri, gu pata ni edzi u nga lombago khidzo gihevbulo nya Bhibhiliya.

• 

  Hi ngu gu hoyozeya avba nya gihevbulo nya Bhibhiliya iyo yi giridwe gasi gu yeyedza sihevbuli nya Bhibhiliya. Ambari olu vhidhyu yeyi yi yeyedzwago gasi gu sixitiri avbo nya pajina 2 nya libhuku Vbanya nu tsakide kala gupindruga! iyo gambe yi nga yeyedzwa tepo mu bhulago khu broxura Vbanya nu tsakide kala gupindruga!. Vhidhyu yeyi ya gu yeyedza mongo nya libhuku ni esi gihevbuli nya Bhibhiliya gi yedego gu si vireya ndrani nya gihevbulo.

Ambari olu vhidhyu ni vhidhyu yi giridwego ni makungo yayo, ethu hi nga yeyedza mwendro gu rumeleya vathu dzivhidhyu dzodzo sa gu vbwetega. Vahuweleyi va ngu kutswa gu dziti gwadi dzivhidhyu dzodzo va bwe va dzi londrola gasi gu dzi thumisa thumoni nyo tshumayele.