MAVBANYELO NYA WUKRISTO
Avo va gu gira thumo wawe khu gu dzi garadza gasi gu hi thumeya
Vawoneleyi nya Sirkwitu ni vagadzi vawe va ngu yeyedza lihaladzo vale vava thumeyago. Gufana ni ethu, avo va yede gu dzi khathaleya khu nyamani, nigu dzimbe dzitepo va ngu dzipwa na va garade, na va vbede tshivba ni gu garadzega. (Jak 5:17) Ganiolu, semana yatshavbo va gu vega gupima gwaye avba nya gu tiyise vandriyawe va va endreyago. Khu lisine, vawoneleyi nya Sirkwitu va ngu yedwa “gu zundzwa [ngudzu].” — 1Tm 5:17.
Tepo mupostoli Pawulo a nga ba a dongiseya liendro laye nya gu hongole Roma, gasi guya “tshatshedza giningwa nya liphuvbo” libandla la eyi, uye a di gu vireya guya “tiyiselana.” (Ro 1:11, 12) Ina u dundrugede edzi u nga tiyisago khidzo muwoneleyi wago nya Sirkwitu gumogo ni mwangadzi waye?
YEYEDZA VHIDHYU YI GU KHIYO: EDZI WU GU IDZO WOMI WA MUWONELEYI NYA SIRKWITU VBAVBANDZE NYA LIDHOROPA, KHU GU LANDREYA GIRA SIWUDZISO SESI:
Vawoneleyi nya Sirkwitu ni vagadzi vawe va gu yeyedza kharini lihaladzo vandriyathu libandlani?
Uwe u phasegide kharini khu gu dzi garadza va gu girago?
Hi nga va tiyisa kharini?