MAVBANYELO NYA WUKRISTO
Vahavisi va thumago gasi gu khathaleya vathu va Jehovha
Vathu nya vangi va na ni mawonelo nya mba yadi khava va thangeyago. Khu ginani? Nya vangi va thumiside wuthangeyi va nga ba va ri nawo khu ndziya nya mba yadi. (Mik 7:3) Hi ngu bonga ngudzu kholu madhota libandlani ma trenarwigo gasi gu thangeya gwadi vathu va Jehovha. — Es 10:3; Mt 20:25, 26.
Madhota ma hambanide ni ava va thangeyago tigoni momu, kholu ayo ma gu gira thumo wawe kholu va haladzago Jehovha ni vathu vaye. (Joh 21:16; 1Pe 5:1-3) Khu gu phaswa khu Jesu, vahavisi vava va gu phasa muhuweleyi moyo ni moyo gu dzipwa na va gu gira gipandre nya ndranga ya Jehovha ni gu simama ni wupari nyo tiye ni Jehovha. Ayo ma ngu dzigaradza gu tiyisa khu liphuvboni tshambi wa Jehovha ni gu wu phasa tepo wu tshanganago ni dziemergensiya medhika mwendro dzimhango nya tumbunuko. Wa gu ba u vbweta giphaso tshulega gu ganeya ni lidhota nyo khaguri libandlani gwago. — Jak 5:14.
YEYEDZA VHIDHYU YI GU KHIYO VAHAVISI VA KHATALEYAGO DZINVUTA, KHU GU LANDREYA GIRA SIWUDZISO SESI:
Mariana a wuyedwe kharini khu giphaso a ningidwego khu madhota?
Elias a wuyedwe kharini khu giphaso a ningidwego khu madhota?
Hwane nya gu ba u wonide vhidhyu yeyi wa gu dzipwa kharini khu thumo wu girwago khu madhota?