Mawonelo nya gihevbulo
Dziferameta gasi gu hevbudza khidzo sanana
Vavelegi va na ni thumo nya wukhongolo nya gu hevbudze sanana sawe khu Jehovha. (Efes. 6:4) Gasi gu phasa vavelegi, hengeledzano ya Jehovha yi ngu dusa dzindrima, dzivhidhyu ni dzindzimo. U nga dzi thumisa kharini dziferameta dzedzi gasi gu trenari sanana sago?
Beya omu nya sayiti. Omu nya JW.ORG gu na ni mabhuku ni dzivhidhyu dzi ganeyago khu sanana, nigu gambe gu na ni malanga si nga lovago ni gu dhezenyari.a Gasi gu mana dziferameta dzedzi, peskizari gu khuwe “Sanana” mwendro “Vaphya” ndrani nya kwadru nya gu peskizari.
Hatha ferameta yi na phasago gyanana gyago. Esi si yeyedzwago avbo nya gipandre “Sanana” u nga hatha dzivhidhyu, dzindzimo ni simbe silo si na phasago gyanana gyago. Gasi gu mana silo sesi, peskizari gu khuwe “Sanana” mwendro “Vaphya.”
Dzi ningi tepo gasi gu bhula ni gyanana gyago khu silo soso. Potsa gu thumisa dzivhidhyu mwendro mambe mabhuku gasi gu gira gyanana gyago gi khala na gi pharegide. Wulangani nya isoso, bhula ni gyanana gyago khesi gi hevbulago u bwe u gi phasa gu manega ni wupari nyo tiye ni Jehovha.
a Omu nya JW Library® gu na ni dzatshavbo dzivhidhyu dzi ganeyago khu vaphya khu Gitonga ni Giputukezi, ganiolu dzimwalo dzipajina nya dzingi gasi gu lova ni gu dhezenyari.