DZI GARADZE THUMONI NYO TSHUMAYELE | ENGEDZEYA GU TSAKA THUMONI NYO TSHUMAYELE
Phasa sihevbuli sago nya Bhibiliya gu manega mitshanganoni
Mitshangano nya libandla yi na ni lisima kholu ya gu gira gipandre nya wukhozeyi nya guage. (Ndz 22:22) Vatshavbo va tshanganago gasi gu khozeya Jehovha va ngu mana gutsaka ni makategwa. (Ndz 65:4) Sihevbuli nya Bhibliya si ngu tala gu dandra khu liphuvboni tepo si hongolago mitshanganoni tshigu ni tshigu.
U nga phasa kharini sihevbuli sago nya Bhibhiliya gu manega mitshanganoni? Simama gu si konvhidhari. Va yeyedze vhidhiyu Ginani gi giregago salawuni nya Mufumu? Vatshamuseye edzi va nga wuyedwago khidzo khu gu manega mitshanganoni. (lff Gihevbulo 10) Mubhuleye pontu nyo khaguri u nga hevbula mitshanganoni mwendro gu mu yeyedza esi si na hevbudwago avbo nya tshangano wu landreyago. Ninga gihevbuli gyago libhuku li na thumiswago mitshanganoni. U bwe u mu phasa edzi a nga li thumisago khidzo. Adzina va na vbweta bholeya. Gudzigaradza gwago gu na gu ninga gutsaka tepo u na wonago gihevbuli gyago na gi gu pheya guta mitshanganoni. — 1Ko 14:24, 25.
YEYEDZA VHIDHIYU PHASA SIHEVBULI SAGO NYA BHIBHILIYA GU MANEGA MITSHANGANONI KHU GU LANDREYA GIRA SIWUDZISO SESI:
Lithomo muni Neta a nga li thumisa gu konvhidhari Jade gasi a manega mitshanganoni?
Khu ginani hi tsakago tepo gihevbuli nya Bhibhiliya gitago mitshanganoni?
“Khu lisine, Nungungulu womo vbakari gwanu”
Ginani egi Jade a nga zama gu gira litshigu nyo pheye a nga hongola mitshanganoni?