Mbuli Mbotufutulwa kuzwa ku Cibi a-Lufu

35 Sena uliyeeyede kuti Adamu, muntu mutaanzi, wakabisya? Wakasweekelwa buumi a paradaiso, nkabela toonse aswebo ncotufwida, nkaambo tuli bana bakwe.—Ba-Roma 5:12; 3:23

36 Inga tulakonzya kububozya obu buumi bwini, ikuti umwi muntu wini wakapeda buumi bwakwe akaambo kesu, naa icinunuzyo kutunununa swebo kuzwa kulufu.—1 Ba-Korinto 15:45; Ba-Roma 5:19, 21

37 Jesu wakali Mwana wa-Leza. Wakali muntu wini. Takwe naakacita cibi.—Ba-Hebrayo 5:9; 7:26

38 Wakalizumizya lwakwe mwini kujaigwa abantu batakali kuyanda Leza.—Incito 2:23

Oku kwakali kulipaizya lwakwe mwini akaambo kesu.—1 Timoteo 2:6

39 Jesu wakazikilwa mumpangala yakapakwidwe iyebbwe ncecuumbwe. Wakalifwide mazuba otatwe. Mpao Leza wakamubusya.—Incito 2:24

40 Wakapilukila kujulu. Ulakonzya lino kukumbila Leza kuti agwasye abo balemeka Leza.—Ba-Hebrayo 9:24; 1 Johane 2:1, 2